Supsidio

E supsidionan di Active Chance ta strukturá pa sostené nos mishon, balor i
prinsipionan.

Nos áreanan di enfoke.

Active Chance ta otorgá subsidio na proyektonan ku ta dediká na:

  • Mehorá di kalidat di bida
  • Yuda personanan pa alkansá nan pleno potenshal
  • Krea mihó komunidatnan

E proyektonan por kai bou di un área di enfoke ámplio inkluyendo enseñansa, salubridat, kombatimentu di pobresa i desaroyo komunitario, pero nos ta inkliná pa no finansiá proyektonan ku ya ta risibí hopi atenshon i apoyo finansiero.

Nos siklonan di finansiamentu.

Nos siklonan di finansiamentu ta kana pa kuartal i ta konsití di un periodo di un luna pa apliká, un luna pa evaluá i un luna pa otorgá:

  • Periodo pa apliká: E proseso pa apliká ta habrí online i e petishonarionan por kompletá i presentá nan formularionan online.
  • Periodo di evaluashon: Ta sera e proseso di petishon i ta evaluá e petishonnan risibí.
  • Periodo di otorgashon: Ta otorgá supsidionan na e petishonarionan eksitoso despues ku a terminá e follow upòfdue diligence rekerí.

Konsultá e sekshon Fechanan importante pa fecha di e siklo di finansiamentu aktual i futuro.

Nos supsidionan.

Nos ta otorgá supsidionan di:

  • 500 NAF
  • 2,500 NAF
  • 5,000 NAF
  • 10,000 NAF
  • 25,000 NAF

E kantidat di supsidionan di kada tamaño disponibel, por varia kada periodo di finansiamentu dependiendo di e meta, e kantidat total di sèn pa supsidionan disponibel pa e periodo etcetera.

Nos rekisitonan pa bini na remarke.

Banda di kai bou di nos áreanan di enfoke, e proyektonan mester kumpli ku algun rekisito pa por bini na remarke pa nos finansiamentu.

Nos rekisitonan pa bini na remarke ta basá riba e tamaño di supsidio. Solisitantenan ku apliká pa supsidionan di 10 òf 20 mil florin, mester kumpli ku mas eksigensia ku esnan ku ta apliká pa 500, 2500 òf 5000 florin.

Rekisito pa tur supsidio

  • Petishonnan por wòrdu entregá pa un persona òf un organisashon.
  • Esnan ku ta hasi e petishon mester por demostrá ku nan ta hasiendo un bon trabou i ku nan ta hasi un diferensha positivo den nan komunidat entregando un resumen di proyektonan resien òf eksperiensha den trabou di boluntario.
  • Mester ta kapas di demostrá nesesidat finansiero kontestando un seri di pregunta relashoná ku finansiamentu.
  • No mester hasi petishon pa mas di 50% di e kosto total di e proyekto. Mester por demostrá esaki pa medio di informashon tokante finansiamentu i bùdjèt.
  • Nos ta otorgá finansiamentu kondishonal na projektonan ganador ku ahinda no a risibi tur nan fondonan. Si e projekto tin fasenan ku ta permiti pa yega na sierto obhetivonan ku finansiamentu parsial, nos lo por konisderá pa kita e stipulashon die finansiamentu kondishonal. Si esaki ta aplikabel, solisitantenan lo mester demonstra ku nan ta yega na remarke pa e stipulashon die finansiamentu kondishonal wordu kitá.
  • Por hasi petishon pa 1 supsidio pa un periodo di finansiamentu.
  • Mester por demonstrá ku ta bai usa e supsidio denter di 12 luna, dunando e fecha di inisio di e proyekto i indikando pa ki fecha lo usa e fondo kompletamente.
  • Mester bai di akuerdo ku proporshoná informashon di follow updi e proyekto pa por usa esaki riba e página di Active Chance.

Rekisito adishonal pa supsidio di 10 i 25 mil florin

  • E partido ku ta hasi e petishon mester ta un organisashon ofisial.
  • Aplikashonnan mester inkluí dukumentonan manera un bùtgèt detayá, registro di Kamara di Komersio, statuto, estado finansiero di e último 2 añanan i un organograma.

Nos proseso.

Nos ta manehá nos proseso di aplikashon, evaluashon i otorgashon pa medio di nos software spesial pa supsidionan (Submittable ta apoyá nos téknikamente), pues tur korespondensia di Active Chance relashoná ku supsidionan generalmente lo ta online òf via e-mail. Nos ta reservá e derechi pa modifiká kualke aspekto di nos programa na kualke momentu ku e meta di garantisá legitimidat i/òf efektividat.

Apliká awor.